先後參選港姐同「口罩小姐」均落敗嘅網紅楊慧敏（Mina），今日（16日）於社交網宣布婚訊，大晒多張男友同佢求婚嘅相，與男友咀嘴相放閃，仲感動到喊，留言：「I said“YES”，仲係好Surprised，瞞住我一年的計劃，辛苦晒你哋喇。」
佢自言係無綫花旦馮盈盈師姐、同樣係港大畢業，言行大膽嘅佢，被傳同馮盈盈不和，佢當時回應指佢哋只係同學關係，並冇不和。於2019年曾參加香港小姐時，受到負面報道纏身，被爆大學時期人緣差，仲喺學校活動中提出將「除衫」成為遊戲懲罰，被指個性開放影響港姐形象，最終於15強止步。而佢亦曾參加ViuTV舉辦嘅《最後一屆口罩小姐選舉》，面試時更跳唱粗口歌，與選港姐時嘅形象有180度大轉變，以騎呢風格跑出，但選美過程中因態度問題得唔到網民歡心，最後只係得到第8名。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
