能夠成為何廣沛入行後唯一承認的女友，相信Sarah絕對有其魅力，亦是個好女仔，有讀者就向《香港01》報料指，早前在一間Cafe見到Sarah做跟得攝影師，全程幫何廣沛揸相機影打卡相，即使男方奄尖不滿效果，女友仍盡力完成其要求，甚至投入到跪晒地影相。
報料人指，大約兩星期前去大尾篤一間新開的打卡Cafe食下午茶，其間見到何廣沛和女友Sarah拍拖，男方坐在室外座位，女友則揸住相機不停幫他影相，但何廣沛似乎覺得攝影效果麻麻地，「嘴藐藐」面露不滿神情，叫Sarah再影，其間女方更不顧自己身穿短裙，跪地幫男友影靚相，影足幾個字後男方終於收貨！問到何廣沛有冇反過來幫女方影返幾張靚相，報料人就表示冇，因此覺得男方都幾自戀。
幾日後，何廣沛將當日的照片放上社交平台，很多網民都讚他靚仔，看來Sarah攝影技術其實比想像中好，何廣沛可以笑返
本文作轉載及備份之用 來源 source: http://www.hk01.com
|
鍾意就快D Share啦！
|
|
|
