王敏慈（Lovelle）、郭珮文（Juilana）和鄧凱文（Eris）三位接受《香港01》訪問時，直言為了表演感到興奮又緊張。鄧凱文笑言自己舞技較差，所以被安排打鼓，而王敏慈則表演擅長的跳肚皮舞，她說：「好興奮，因為冇參加過TVB大騷。」鄧凱文也說：「好似搵返參選時嘅感覺。」
鄧凱文笑言舞技差，表演時可能會甩beat，她說：「如果甩咗，請大家笑就好啦（唔好介意），好彩仲有5日！」王敏慈坦言現在需要中港兩邊走，有表演時就由北京飛到香港，之後就回到北京上學。她說：「台慶之後就返去，台慶就一定要返嚟。之後如果有時間都想拍劇，放學（新年）嘅時候都OK。」她表示，學校有internship計劃，如有需要的話也可以請假拍劇演出。
郭珮文表示現時於《法證先鋒V》和排舞兩邊走，她說：「第一次拍劇都幾好呀，比想像中輕鬆，都開心。」記對白有沒有困難？她一臉認真的說：「都OK，因為啲台詞唔係特別多，少少啫，都係入門咁樣。」怕不怕被網民批評？她回答：「慢慢嚟，加油！會做得更加好。」談到與黃宗澤合作，她就說：「我覺得同佢合作非常之安心，因為佢好照顧新人。我好迷茫嘅時候佢都會提醒我，發生緊咩事，要做啲咩。」
她續說：「都會有啲提點，我都會多啲觀察吓佢啲微表情。」黃宗澤有沒有約郭珮文出街食飯？郭珮文聞言就給記者「反白眼」，說道：「講呢啲！梗係冇啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
