今日係12月28日，幸運星係天蠍座，運氣好到有啲飄飄然，要慎防貪勝不知輸。「女神」朱茵就係天蠍座，佢相隔13年再接拍港劇，早排喺維園拍劇時，就被網友捕獲，仲影到佢個樣面色發黃、黯淡無光，而且有啲殘，可能係燈光問題掛，不少網友睇完都話紫霞仙子老了。而馬天佑喺主題公園撞到朱茵兼合照，見女神着住橙紅色連身裙，零走樣氣質依然，成功推翻拍戲殘樣，話你運氣好到，唔通就係指呢樣。
今日亦係農曆十一月十六，宜移徙、出行，最旺生肖係龍，龍仔龍女萬事如意，做咩都會如魚得水。歐陽娜娜就係屬龍，有甜美面孔，又有音樂造詣嘅佢，就返咗去美國嘅音樂學院繼續學業，不過佢嘅衣着，打扮都變得大膽，前排就着住喱士上衣同短裙，配上黑絲化身「性感貓女」影相，一時托腮一時側頭，散發成熟嘅女人味，娜娜你今日做咩都會如魚得水，唔愁冇出路。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
