由佘詩曼主演的話題劇《新聞女王》勢如破竹，收視有升冇跌，劇中眾演員人氣再攀高峰，仲意外帶挈一班真正新聞主播們被網友追住問劇情真實性，Followers日增，同樣成為話題。今次就到前TVB主播溫蕎菲，佢樣靚身材正，離巢後更係尺度大解放，不過今次佢就唔係靠身材吸睛，而係佢呢位「真．新聞女王」就晒出昔日遇上佘詩曼嘅合照，一爭高下。
佢分享自己着出鏡嘅OL套裝、手拿記者證咁同新聞車合照，又表示自己都有追睇《新聞女王》，當中佢被朋友問得最多就係佢有冇喺TVB見到明星，佢留言：「答案係Yes！譬如飯堂或者服裝間，遇到過黃宗澤、古天樂、周柏豪等等啦，不過都不會上前去打攪～公司尾禡盆菜宴就可以集郵啦。同佘詩曼就係朋友生日聚會遇到，好隨和同親切，她飾演嘅新聞女王表現專業演技精湛、好有風範！」成功又得到過千人Like post！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
