今日係12月25日，農曆十一月十三，宜大事勿用。今日就幸運星就係射手座喇，可以做啲自己感興趣嘅事，有機會發掘到自己嘅長處。射手座嘅林峯近排宣布重返樂壇，預計會喺出年舉行世界巡迴個唱。林峯就表示自兩年前嘅《披荊斬棘的哥哥》演出後，重新點燃對舞台嘅熱情，仲希望邀請「哥哥們」做特別嘉賓，相當唔少粉絲聽到都覺得相當興奮。
一向以「型男」見稱嘅林峯日前舉行個唱，佢喺台上又唱又跳。唔少歌迷聽得如癡如醉，但有網民指婚後嘅林峯髮型過時，又批評身材再唔係鋼條型，取笑佢有妻有女就「幸福肥」，由昔日男神變成今日嘅「油膩大叔」。
今日最旺生肖係猴，工作順利，表現受賞識，上位不是夢。呢幾年北上打拚嘅天后，容祖兒就係屬猴喇，入行24年嘅佢，早前突然話要休息，驚到成班粉絲，以為佢要封咪。原來祖兒只係分享自己，對休息嘅體悟啫，話依家慢慢學會真真正正嘅休息，時間有限，過自己想要嘅生活。休息完先可以唱多啲畀粉絲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
