今日係12月11日，農曆十月廿九，宜整路、飾垣。最旺嘅生肖係狗，得到財神眷顧，營商者可望生意興隆。影帝古天樂就係屬狗，古仔演技好就個個都知，不過你又知唔知佢早年進軍樂壇，令人印象最深刻嘅歌必定係《今期流行》，而呢套歌近日竟然喺內地翻Hit，啲內地網民就笑住咁話，終於知道點解古仔唔再跳舞嘅原因喇，古仔唔跳舞都可以拍多啲好戲畀觀眾睇！
雖然古仔多年冇再出歌，不過佢近日佢就罕有現身新歌MV。天下一音樂最新歌曲《聖誕 Present Tense！》月初派台，歌曲齊集公司旗下歌手獻唱，MV最後飾演「屋主」的古天樂更驚喜現身，而譚旻萱更大爆老闆古天樂私下亦會與打大家打成一片。
今日幸運星係獅子座，各方面的運勢都好好呀，不過就唔好得意忘形。天后王菲就係獅子女，神隱多年嘅佢啱啱慶祝完54歲生日，佢一直都係「神龍見首不見尾」，最多係畀人野生捕獲啫。但近日就有人甫咗，梁朝偉同王菲合照，雖然王菲年過半百，但同廿年前分別唔大，兩人再次同框，令人諗起《重慶森林》嘅經典CP呀，唔知佢哋幾時再一齊拍戲呢。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
