今日係1月4日農曆十一月廿三，今日幸運星係天蠍座，財運好到極，趁機多做好事，活得有意義。天蠍座嘅陳煒就算做咗人妻，依然努力做好幕前工作，早前拍攝新劇《非份之罪》，煒哥所飾演嘅角色，為錢不惜一切，展現人性一面，仲同盧宛茵有爭執打戲，就連佢自己都話，今次嘅角色係佢演藝生涯以嚟一大挑戰。
新人施焯日喺劇入面，飾演煒哥有輕度智力障礙嘅仔仔，煒哥為咗幫佢，已經約好一齊去做聖誕聯歡活動義工，探訪智障小朋友。其實煒哥閒時都會去做吓義工，又會出席唔同嘅慈善場合，為有需要嘅人士出一分力，果然係人美心善。
是日最旺生肖係蛇，財運唔錯，如果有投資打算不妨一試。「蛇女」簡淑兒(Jessica)自離巢無綫後，就轉到HoyTV做主持，眾所周知，修讀設計嘅佢，家族係經營珠寶生意，曾有指Jessica父母叫佢返屋企幫手，但Jessica為咗可以繼續幕前演出，答應父母會學做珠寶生意，Jessica亦曾幫家族生意做生招牌，其實Jessica你咁有學識，不如真係自資整一套珠寶出嚟，試吓水溫，話唔埋有意外收穫。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
