人氣男團MIRROR自「屏幕事件」後相隔年半後，今晚（15日）再次舉行共16場演唱會，不過由紅館移師至亞博，頭場全場爆滿，演唱會舞台為H字型設計，台頂並沒有懸掛在高空上的吊燈及裝飾，大屏幕貼於牆身，似乎吸收之前經驗，一切以安全為重。
12子約於8時30分開鑼，全體以黑色閃星打扮登上彩色舞台，還有煙花效果襯托，一口氣唱出《Sheesh》、《Innerspace》等幾首圑歌，全場鏡粉瘋狂尖叫，12子主動行前靠近中場觀眾，在頒獎禮上明顯瘦了一個圈的姜濤，是晚再進階消脂，身態纖瘦不少，更頻與Anson Lo並排而站，緊接由Lokman與Anson Kong對唱鬥唱功，再由Alton獨自Rap，又大騷其麒麟臂。
而開騷前12子的粉絲於場館附近應援兼大合照，以姜濤及Anson Lo的粉絲最具花心思，兼聲勢浩大，鏡粉更自發性為12子於當眼處送上巨型廣告牌，以表魂團滿滿。現場亦增設攤位發售演唱會商品，歌迷反應熱烈忙搶購，圈中前輩鄭伊健、鄭裕玲、林海峰及丁子高等送上花籃，祝12子開騷成功。
到Stanley出場獻唱《來不及》時，身後展其全家幅，以懷念其去年離世的母親，氣氛突變傷感。Edan則邊展琴技邊獻唱《E先生連環不幸事件》，又與Jer合唱《皮囊》，Edan伴奏之餘二人更乘機飆高音展唱功。緊接Jeremy露腰又露背唱出《Closer》，並坐地大擺甫士，妖氣十足，此時Stanley突「中門大開」現身，8磈腹肌盡現，全場起哄尖叫。而AK亦於台上換衫，透視裝露點，可惜幾秒後即穿上西裝褸，頓時「降溫」！
Tiger執導拍短片播出，12子以西裝現身，黑白tone chok爆開圓桌會議。緊接Tiger、Stanley及Jer彈結他登台，與打鼓Lokman齊齊Jam歌合唱《說再見了吧》，4人呼籲全場大合唱，不少粉絲隨即響應。此時「等足成晚」的姜濤終於登場，獻唱「黑月」時與女dancer貼近並作勢親吻，Anson Lo隨後以銀色閃石開窿裝現身，少騷肌又勁歌熱舞搶鏡。姜濤緊接再出現，與Anson Lo「黑白配」同場鬥舞，不過全程只得分餘鐘，略嫌唔夠喉！
而AK在於台上換衫，透視裝露點，幾秒後即穿上西裝褸頓時「降溫」，不過其後唱歌時他「自摸」又攬女，意識相當踩界。
12子換上白色西裝合唱《人類群星閃耀時》作謝幕。Encore部分，12子換上牛仔褸現身高唱《IGNITED》，此時才由隊長Lokman代表，全晚首次發言：「歡迎大家嚟到MIRROR演唱會，全晚第一次聽到我哋講嘢？一直喺度唱同跳，我哋未必會行出嚟講好多嘢，但係我哋會一直唱一直跳，只要你哋（粉絲）喺度，我哋12個乜都唔講，都會講一句，大家好，我哋係MIRROR!」他們又賣口乖感激鏡粉們一直支持。當他們唱出《BOSS》時，半空撒下印有他們樣貌的圓形紙碎，引來不少粉絲搶奪。
二度Encore，Jeremy獨自登場：「你哋仲唔走嘅？因為有彩蛋，我平時又唔係好講嘢，所以決定企喺台上講足3分鐘，表演畀大家睇，哈哈！其實16場演唱會每場都有唔同嘅彩蛋，大家對於今晚呢個彩蛋滿意呢？」隨即唱出《獨角獸之戀》，最後12子合唱《We Are with Long Chaser》，約於11時25分，首場演唱會完結。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
