張致恒同老婆區燕雯（雯雯）日前宣布與合作不足一個月嘅UglyFamily「投資者」終止合作，兩人在發文中未有提及會否退回部分款項給予之前已付月費的會員，同時關閉了留言功能。少咗收入財路，雯雯日前喺限動發文：「其實我覺得都幾搞笑，如果能夠出到去做嘢，兩個人唔會唔出去做，但係確實一個大人係唔能夠照顧四個咁細嘅小朋友。呢個係我哋冇安排好，但係我哋已經努力一步一步咁解決緊，我只係覺得好搞笑，點解不斷話我哋唔工作，正常唔會坐喺屋企唔做嘢囉！」
完全將自己唔做嘢嘅原因合理化之餘，雯雯之後又再出限動，並指「就算有幕前嘅工作都係一份工作，唔通有人投資、有人俾機會唔去做？接受呢啲工作就係不切實際？」
講到投資，有網民即時回帶，即張致恒同雯雯宣布UglyFamily面世時，二人曾稱公司是由他們開設，雯雯當時曾表示︰「我同Steven成立咗間公司係幫人拍片同幕後製作，然後剛剛開業，我哋兩公婆都會拍片關於人生百態、感情兩性婚姻娛樂新聞都會講下，希望大家多多支持！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
