適逢演唱會頭場（16日）是初七「人日」，城城送上「節日限定版」，就是與全場觀眾大唱「生日歌」，其中一句「Happy birthday to you and me！」冧爆粉絲。
另外，城城狀態更是弗到漏，有網民將當晚睇騷的片段分享到社交平台，並以「郭富城58歲熟男的魅力」，寫道：「終於有幸看 #郭富城的演唱會啦。一開始還蠻擔心在雲頂低氣壓+生病剛痊癒的他，狀態會不好～但『四大天王』果真名不虛傳，不只連唱多首歌+間中很少休息，不斷耍幽默+狂撒嬌，還大派粉絲福利，真的是全程high翻天的演唱會太值得去了！ ！雖然陪著去看媽媽的青春，卻瞬間被這58歲熟男的魅力感染愛了愛了～」
除了連番勁歌熱舞外，城城還在個唱上展露其幽默一面。他除下外套時笑言：「哎呀，終於可以著件咁嘅背心，同大家見下面了，好舒服呀！」之後工作人員向城城遞上一件鑲滿窩釘的皮褸，城城即笑指：「你唔好叫我著，擺喺度先。」隨後他去拿起件皮褸，續言：「呢件衫唔係講笑，你哋睇吓幾重。」實情原來他是以攞起件衫為名，實質是想借機展示其又粗又壯兼爆晒筋的一對麒麟臂，城城見大家如此熱情，再即刻「加碼」騷多個背肌，引得全場觀眾失控式尖叫。
城城之後又搞笑說：「今次嘅演唱會完咗之後，我相信都會有一段時間才能夠返嚟Genting（雲頂）呢度，同大家近距離叮一叮。」他提出與觀眾大合照留念，期間又撒嬌說：「我可唔可以同你哋影張相呀？我求吓你同我影張相呀！俾個機會我好唔好？」觀眾當然說可以，城城再親身示範「心心」和「反V」手勢Pose，問觀眾想做哪一個：「我求吓你哋做一次啦好唔好啊？」話畢，他還乘勝追擊，表示相片會分享到其社交平台，未追蹤他的觀眾可以去追蹤他。現場氣氛相當高漲。
近年城城開騷不時被彈有老態、跳不動等，今次的表演可以說是用實力說話，以實力還擊質疑。不少網民都力撐城城要克服雲頂高原連番勁歌熱舞，並不是易事，大讚他快將登「6」，依然寶刀未老：「這個年紀仲邊唱邊跳還唱得好好」、「覺得好厲害，還能唱跳」、「這絕對真唱沒對嘴」、「誰說他跳不動了」、「有幾個人可以像他這個年紀還可以這樣唱跳的呢？果然是天王」；還有網民借用郭富城在電影《臨時劫案》中一句：「講多謝」回應，非常入戲。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
