搵銀賺不停，近日黎耀祥原來又換新車，今次是新上市的國產車。黎耀祥攞車時與新車比耶合照，仲收花獲祝賀。黎耀祥瞓在新車上，相當寫意。翻查網上資料，該款車型本月上市，4款配置車型售價35.98萬元至41.98萬人民幣，換算下即入場價39.7萬港幣，對黎耀祥來說絕對是小意思，不過亦有人猜測有機會是賣廣告。該網民曬出合照，發文指：「TVB影帝“周伯通”黎耀祥提車小鵬X9。又一位明星提X9，MPV真是藝人最愛」。
黎耀祥一向是愛車之人。黎耀祥事業順風順水後，由買日本車變買歐洲車，多年前更買下300萬的麥拿倫（Mc Laren）跑車，更揸住跑車落街買餸。黎耀祥也擁有寶馬、Land Rover，老婆亦曾被拍得開住積架名車出入。黎耀祥兒子黎正橋到美國讀書，黎耀祥花大錢買下300萬的林寶堅尼給囝囝做禮物，而兒子又有大黃蜂Camaro座駕，常於社交網大曬名車。據傳媒報道，多年來已入手4輛超過千萬名車，相當豪氣！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
