大熱韓劇《黑暗榮耀》暗黑宋慧喬報仇令觀眾咬牙切齒又大快人心，TVB乘勢參考開拍港版，找來楊茜堯放下一對仔女回巢主演，近日《黑色月光》正式煞科！楊茜堯開心留言：「三個多月的拍攝，完滿結束。感謝佳導的邀請和信任，讓我有幸參與其中。感謝每一位演員，幕後團隊和各個部門的通力合作，相互配合，以專業和專注的工作態度對待每一場戲，每一個鏡頭。期待《黑色月光》為觀眾帶來不同的感受，不一樣的我們，留下不一樣的回憶。」
煞科當日三位主角接受娛樂新聞台訪問時，都表示相隔多年合作相當開心愉快，拍攝不停中港兩邊走，楊茜堯笑指被4歲大女小珍珠投訴：：「佢比較大啲，開始懂性，佢都會話：『我唔想你返工啊，想你留喺度陪我多啲，叫爸爸返工吖』。安排我喺身邊陪佢，爸爸去做嘢賺錢，OK啊，我都同佢講好快㗎喇，我唔會走。」
至於同樣為人父母，與陳自瑤育有一女的王浩信，與TVB約滿後自由身接JOB，內地工作多時甚少見囡囡，訪問中罕有提到家人：「喺下一個工作之前，爭取時間陪家人；但又唔係好長時間，基本上都密鑼緊鼓，都想有幾日時間畀自己抽離呢個角色。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
