羅子溢、陳自瑤、黎諾懿、賴慰玲、羅天宇今午（5日）為劇集《婚後事》宣傳。問到羅子溢有無同老婆一齊追劇，他笑言對方最近雖然忙於拍劇，但應該都會從網上得知劇集話題。「但ok呀，不嬲都話我太太胸襟廣闊，所以絕對無備案，你見到我仲企喺度就知。」不過羅子溢話如果要拍全裸戲的話，就一定要備案，畢竟「身體係屬於另一半」，之後他又透露女兒有睇過第一集，仲因為見到有劇中小演員叫自己做爸爸而感到不快。「我無同佢解釋，拉佢走，叫佢去玩。」
陳自瑤表示女兒12歲雖然懂事，但亦無刻意讓對方追劇，更笑言女兒應該對自己興趣不大。劇集播出後，陳自瑤表示收到不少朋友訊息，大讚劇集十分有共鳴。她又指劇中因有不少嗌交同崩潰嘅場面，加上角色有不同心唔歷程，試過一日要試幾次妝，因為拍攝期間十分攰。提到內地觀眾指無綫欠她一個視后，陳自瑤表示感謝支持，但對於網民因而「攻擊」蔡思貝，陳自瑤表示不知情，並謂「可能大家入戲太深」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
