藝人陳偉霆（William）長駐內地發展嘅佢，唔止演藝事業做得有聲有色，就連副業健身房都好評不斷，甚至喺內地掀起健身熱潮。而出名親民嘅佢，唔止喺自己健身房任影唔嬲，就連出門在外都行為舉止同樣貼地親切，日前有網友喺社交網晒出上海火車站巧遇William嘅相，並興奮道：「家人們誰懂呀！在上海虹橋火車站候車室偶遇陳偉霆！當時我還一臉懵逼地看別人在拍，後來才發現是明星！」其中William雙手插袋嘅站姿亦引嚟唔少網友激讚：「型到裂！」
而事實上，早喺10年前憑劇集《古劍奇譚》爆紅嘅William，出道多年人氣仍高踞不下嘅佢，唔止係知名綜藝節目及晚會嘅常客，更喺2019年名列福布斯中國名人榜第23位，不過名成利就嘅佢未有因此而驕傲外，生活更係相當樸實無華，仍不時畀網友喺平民餐廳、公共交通中野生捕獲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
