馬來西亞「鋼琴女神」李元玲，樣靚身材正嘅佢唔止琴技了得，對於健身之道更相當有心得，長年身形都Fit到漏嘅佢，亦不時喺社交網分享健康收身嘅飲食心得，日前更晒出一張營養均衡，並表示持續3個月Eat Clean嘅好處有幾多，從皮膚變靚、脫髮問題得到改善、睡眠質素得到提升、記憶力變好、排便順暢，以及體脂回歸健康指標等，直言長期食垃圾食品，唔止容易導致脫髮嚴重、頭皮屑變多、便秘、口腔問題等，甚至仲係所有疾病開始嘅根源，分分鐘30歲後出現斷崖式衰老，認真恐怖！
另外，唔少人對於健康飲食都有一定程度嘅抗拒心態，認為享受美食係一種減壓及生活享受，對此李元玲亦解釋道Eat Clean其實係人類最原始嘅飲食習慣，只不過係現代人習慣咗劣質油膩嘅食品，並喺不知不覺間對味精同精緻糖食上癮，所以突然戒呢啲「化學調味」先會感到辛苦，從而感覺Eat Clean係一種折磨，直言：「戒掉癮從來都不是一件容易的事。」鼓勵網友從健康飲食開始，改善身體質素。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
