今日係5月24農曆四月十七，肖猴嘅朋友人緣旺，有緣人會走近身邊，單身者別錯失良機。肖猴嘅蔡依林（Jolin），呢排喺內地開巡迴演唱會，完騷之後仲Po埋去玩嘅相，相入面見佢上半身着住黑色T恤，下本身就着住破洞牛仔褲，成個Look望落勁Young，雖然已經43歲，但係相入面完全睇唔出歲月嘅痕迹，仲有網民留言表示似大學生，Jolin狀態咁好，要多啲留意身邊人，話唔埋真命天子就係隔籬。
而喺杭州演唱會，Jolin同內地小鮮肉王俊凱一齊登臺獻唱，兩人深情對望唱情歌，期間更拖住手，引起全場尖叫，唔知Jolin下一段戀情會唔會係姊弟戀愛呢？
今日幸運星係山羊座，財運不錯，要謹記知足常樂，唔可以貪得無厭。山羊座嘅陳曉華（Hera），舊年總共拍咗五套劇，雖然好忙但佢好滿意呢個工作量，自從舊年年尾拍完《巾幗英雄之懸崖》之後，佢就輕鬆放吓假，除咗做運動仲周圍旅行，喺社交網上Po大量靚相，Hera你依家財運唔錯，可以喺休息之餘，了解一下投資項目，但都唔好太貪心，賺到少少就同班姐妹，一齊去食餐好㗎
本文作轉載及備份之用 來源 source: http://hk.on.cc
|
鍾意就快D Share啦！
|
|
|
