內地頂流女星楊冪，有着玲瓏浮凸身材及出眾美貌嘅佢，出道多年嚟接演過唔少角色，作品量嘅累積更係相當驚人，日前接受訪問嘅佢，更自爆4個月拍5部戲，直言：「拍到恍如人格分裂」認真搏命。
主持人透露，2011年到2012年間，只要打開電視就會見到楊冪，因此令佢有「拚命三娘」嘅美名，對此楊冪坦言自己試過4個月內拍咗5部戲，每一部戲拍完一個段落後，就搭凌晨機飛往另一個城市繼續拍戲，如此高強度嘅工作，亦令佢一年內因感冒、腸胃炎掛急診嘅次數高達12次。
明明已經爆紅，但仲繼續瞓身拍戲嘅楊冪，亦解釋道：「沒有拍戲的日子很恐怖」表示自己有長達一年冇戲拍，甚至仲被無預警抽起換角，因此楊冪為咗有戲拍，就算時間有衝突都會盡力調節，經過一番努力終於再有戲拍嘅佢亦忍唔住鬆一口氣道：「太好了，有戲拍了，大家終於不會再換掉我了！」簡單嘅一番說話引嚟唔少粉絲戥佢心痛外，更有人直言楊冪會紅其實全靠自己本事，不過隨着佢升呢成為「頂流花旦」，好多人都唔記得佢係點樣從配角捱到做主角嘅辛酸歷程。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
