宅男女神孫慧雪生兩胎均是巨B，佗B時孕肚超過44吋，近日她自爆成功減去50磅！她於社交網晒出再次穿上孕期牛仔褲的照片，其腰圍相差近一倍，她表示：「講真！！自己都從來冇諗過，竟然可以喺肉肉一歲前減咗50磅，好開心呀～～呢兩日整理衣櫃，好多衫可以唔要」更笑言：「秘訣就係又返工又要湊小朋友」。
其實她以往曾分享減肥歷程：「由78kg——>55kg，記得生第一胎，成功減肥之後，好多人話，第一胎實keep到，睇吓佢生第二胎都減到先講結果佗第二胎，真係唔係食好多，都撼撼聲增磅！首先，我好乖咁去紮肚，做機！而同時又好努力做運動，包括重力訓練同跑下機！節食方面，其實我第一餐會食有澱粉質嘅食物，例如牛肉通粉，魚蛋米粉，或者雞扒飯，但係個飯就食少啲，到下午茶，會食香蕉，雞蛋，到咗夜晚，我就食蒸魚加碟菜，或者食啲肉+菜+水果！keep住呢個習慣，只係維持咗幾個月，就瘦咗咁多啦，希望我呢個例子，會鼓勵到想瘦嘅大家同想keep嘅媽媽」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
