今日係6月25日農曆五月二十，今日幸運星係水瓶座，感情運唔錯，會覺得另一半肯花心思遷就自己，心情暢快。水瓶座嘅馬國明，呢排都非常忙碌，要成日返上佛山開工，客串劇集《巨塔之后》，另外都將出演電視電影《尋夢琴澳》，而太太湯洛雯呢排就處於休息階段，做埋馬國明嘅「跟得夫人」，之後會陪佢北上開工，佢哋兩個呢排調理身體之後，就會開始積極造人，今日感情運唔錯，有個咁就得自己嘅另一半，幸福感一定直線上升。
最旺嘅生肖係肖蛇，士氣強，在職場表現自己，有力突圍。肖蛇嘅Ivy So（蘇雅琳），除咗係女團COLLAR嘅成員，佢亦都將為為電影《玩轉腦朋友2》中嘅「阿樂」一角配音，令唔少粉絲都非常期待Ivy So嘅精彩表現，而前排COLLAR ，同Dear Jane同台合作，而Ivy So都喺跳舞嘅時候，難得展露咗好身材，烏低身嘅時候，唔覺意晒出誘人事業線，而且表情十分誘惑，引得唔少現場觀眾頻頻驚呼，今日事業運咁好，一定要再多啲展現吓自己，喺職場話唔埋會有新機遇呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
