海兒受訪時表示，早年花了8年時間修讀音樂，最近才由英國回流香港，她透露回港是為了陪伴家人：「我個人比較貪心，貪玩，咩都想試，咩都想玩吓，英國就比較單一，只係唱歌劇，香港可以做influencers嘅嘢，又可以唱歌劇。」
最近海兒簽約英皇娛樂，成為容祖兒師妹，她坦言簽娛樂公司也是為了有更好的發展，令事業更上一層樓：「我咩都好有興趣，我諗佢哋都冇試過有一個我咁嘅人喺裏面，又係influencer又係女高音。」記者提到張敬軒也是有歌手和influencer的特色，海兒則表示也希望有機會合作。
近期有不少網民討論海兒這位「音樂女神」，問到她的感情狀況，她則只表示「以事業為重」，不過她就透露自己獨愛宅男：「如果by條件，一定要好善良，冇害人之心。識我嘅朋友都知，我好鍾意打機同埋動漫，好多青春都花咗喺呢兩件嘢上面。打機、睇動漫、做social media同唱歌就係我生活四大元素。」
她續說：「點解我咁鍾意宅男，就係佢哋唔會出街，放假唔會諗去邊度飲酒，去邊度蒲。放工嘅時候就留喺屋，咁啱我都係。我就係想同佢一齊，所以宅男優先。」她又表示對身高和收入沒有特別要求，比她矮也可以，至於收入方面，她就表示：「經濟呢樣嘢冇人係穩定，幾有錢有一日都會破產，幾窮有一日都可能會有錢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
