三位最喜歡是Encore部份，Windy說：「我以為自己喺《到此為止》會忍唔住喊，結果係《給自己的信》，忍唔住喊咗，見到好多手燈，拉返去《聲·夢飛行》第一場演唱會，百感交雜，內心好多回憶。」Chantel就說：「好諷刺，台前幕後工作人員，包括我自己都以為《到此為止》就會喊，點知完全冇，本身100%肯定，紙巾都擺埋上台，但係冇。《到此為止》嘅Outro，望住佢兩個有少少感動，諗返起我哋喺一間學校拍《到此為止》嗰個MV。」她更笑言當時「好Kam」，幸好今日「冇Kam過」。
盛傳正被公司雪藏的炎明熹（Gigi）尾場都有來捧場，AFTER CLASS隔空合體，她們說Gigi都有入後台，覺得她今日散發住迪士尼公主香氣。講到稍後有沒有時間與Gigi相聚，Chantel透露今次是放寒假短暫回港，留多一星期就要走，加上又要與Yumi和Windy拍MV，Gigi又有自己行程，所以未必夾到時間。
講到Windy與Yumi日前DSE放榜，對於前路和去向兩位仍未有定案，Windy說自己對於留港與否尚未有心水，目前在內地音樂學校與柏克萊（Berkeley）之間都是50：50，有決定後會再告訴大家。Yumi則坦言對自己放榜成績感不開心，雖然知道分數明確，亦覺得自己已盡力，但近日都在思考究竟自己條路可以點行。
她承認考不到心水科目，又指自己太高要求，本來很多科目都想讀，尤其是工商類，不過這刻仍然在猶豫和變更自己的選擇。Yumi透露，過往提出想讀的選科，純粹是她希望去到的方向，並不一定是自己真的很想揀的科目，此刻仍深思熟慮中，不過Yumi就直言希望留港升學，完了音樂會可以慢慢計劃前路和想清楚。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
