歌手吳業坤近日偕日籍太太濱口愛子到瑞士旅行，享受二人世界，他稱以往飛歐洲均為工作，今次是首次到當地純遊玩，不過就感嘆物價昂貴，又上載旅行相，當中有在日落背景下兩枝啤酒相，感覺非常寫意，又有多張獨照，但只有一張同太太嘅合照，網民笑言終於見到阿嫂，大讚兩人好甜蜜，又讚太太鏡頭下嘅吳業坤有型。
不過歡樂嘅時間唔係維持咗好耐，因為佢哋轉戰到意大利米蘭時，就差啲被扒手偷嘢，佢自爆搭地鐵時，就遇上猖狂小妹妹扒手：「個個Fd都話米蘭多賊，啱啱搭地鐵畀個小妹妹伸手入我袋，好彩發現到，佢偷唔到仲要畀隻中指我，黐線！」佢事後仲大晒自己當日衣着，嚇到佢即刻話要返去換套衫再出門口，不過都算有驚無險。
吳業坤接受越洋訪問時，他表示本打算在舉行巡迴演唱會前，偕日藉太太（濱口愛子）度假充電，先遊瑞士再到米蘭玩幾日才返港，而首天到達米蘭時，一心偕太太出外觀光，豈料就發生不愉快事件。
早前兩度參加空手道比賽同獲冠軍的他，在米蘭竟然成為小偷的目標，他說：「其實啲朋友已經提醒我小心啲，米蘭好多小偷，咁我都做足措施，將啲袋掛晒喺前面，點知去到米蘭地鐵站一上車時嘅，我因為忙緊覆巡唱工作嘅安排，突然間就見到有隻手伸入嚟我心口嘅袋仔度，我立即問佢『What are you doing？』，佢哋係幾個10幾歲嘅『𡃁』妹仔，有2、3個圍埋嚟咁，但佢哋冇乜嘢咁，當佢哋上車，我就立即攬住老婆落車，架車駛走時，佢哋仲向我舉中指。」雖然經他點數後，沒有任何財物損失，但就大大影響了旅遊好心情，猜不到米蘭如此恐怖，同埋亦感慨：「10幾歲嘅小朋友，應該好純真，估唔到佢哋都有咁嘅一面。」
問到在異地遇上小偷是否很驚慌？他則謂：「又唔係好驚，只係驚冇咗啲嘢，反而嬲多啲，點解自己咁唔小心，同埋呢個城市咁危險呢？！返到到酒店換埋最安全嘅行裝再出發，希望可以安全返到香港。」自言經一事長一智的他，提醒外遊的旅客們說：「大家去旅行，老生常談，唔好持住僥倖嘅心態，盡量睇實自己嘅財物，始終都有機會遇上，大家打醒十二分精神。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
