歌手劉德華昨日（9日）於深圳開最後一場演唱會時，因為舞台地下通道門不慎打開，佢整個踩空慘摔在台上，所幸冇成個人跌落去，佢都趕緊台上同大家講冇事，但現場歌迷仍驚嚇尖叫。有網民於社交平台上載了劉德華唱到《男人哭吧不是罪》一曲時，突然正面踩空跌倒，影片網上瘋。
劉德華一邊唱一邊於台上走，突然間踩到台上機關，差點摔倒跌到台底，對歌迷「行大禮」。跌倒時他立即扶着台邊，把身體盡量往台上移，沒有掉到台底。不少網民看到他差點掉下台後，立即留言表示驚險。佢又喺台上表示，返到屋企又要捱家人責罵。
據知佢手指有輕微擦傷，包紮後繼續演唱，演唱會後亦喺官網晒出靚相報平安：「感謝大家，我們下一站再聚。」
其實上個月他在上海舉行演唱會，在4米高的舞台上做出跪滑的動作時差點跣落台，險魂斷舞台，已嚇得觀眾心驚膽戰。劉德華回應昨晚演唱會期間險些差錯腳令現場觀眾擔心，他立即着大家放心，且抱歉表示：「我答應大家安安全全、健健康康，現在我手指受傷了，不好意思，以後不會，我答應大家以後不會。」他表示完成36場內地巡唱，感到依依不捨，覺得時間過得好快，好像仲未玩完，覺得是完成第一個階段的演出，希望這會是一個開始，他稱若問這36場演出中，覺得最好是甚麼？他就覺得「觀眾」是最好。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
