雖然鍾嘉欣曾被指是「雙面人」，但私下卻是非常錫Fans，有位網民日前就貼出一段來自鍾嘉欣的WhatsApp錄音，她表示自己一向是嘉欣Fans，中學時因患上紅斑狼瘡，膽粗粗問對方可不可以給自己一點鼓勵，結果鍾嘉欣傳了段接近1分鐘的錄音為她打氣。
錄音中，鍾嘉欣以溫柔聲線說：「我係嘉欣呀，我知你嘅消息啦，我希望喺呢個短短嘅口訊裡面，可以畀到啲鼓勵你，去面對嚟緊你要接受嘅療程，我亦都希望你可以快啲好返，亦都希望搵到一個適合你嘅方法，去令你嘅身體醫治呢個病。我相信係……我相信呢個世界，有呢個奇蹟，我覺得呢個世界係會有方法去扭轉一啲病情㗎。首先唔好咁擔心啦，一定要正面去面對，同埋相信你一定會好返，加油呀！」
該網民表示：「真係好多謝佢！💖💖最後我真係奇蹟地好返👼🏻💖！！」她大讚鍾嘉欣完全是人美心善的代表，自己必定會好好珍藏這段錄音，又鼓勵其他人：「無論經歷緊咩難關都好～都請你相信一定有奇蹟🥰🥰🫶🏻共勉之～～」網民都大讚鍾嘉欣如人間天使一樣，更有其他粉絲表示每次見面叫她簽名、合照都有求必應，留言：「次次完function都會逐個逐個影相簽名傾計🥺🥺💖」、「以前中學嘅時候見到佢，我哋問合照簽名 佢都有應承 勁nice勁溫柔」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
