罕有現身時裝活動的發哥，全晚心情大靚，在場內不停影，而一眾獲邀出席的明星在巨星面前也變成小粉絲，紛紛用電話捕捉發哥的一舉一動，當中竟被倪晨曦影到發哥大膽的一面，事後還將片段分享到Threads，寫道：「發哥你肯定咁樣影發嫂番屋企唔洗跪玻璃？無意中影到這個畫面」。究竟發生影了發嫂什麼呢？
從片中所見，發哥和發嫂一齊在欣賞時裝騷，期間出名影相叻的發哥幫發嫂拍片，但當鏡頭去到發嫂時，發哥卻調皮地zoom in影住對方的超大頭，整個電話畫面都塞滿發嫂的樣子，之後發哥還若無其事地把電話還給發嫂，這個互動搞笑之餘也非常恩愛。網民亦紛紛搞笑留言：「發嫂睇到張相1秒黑咗面」、「發哥識玩, 咁咪冇人會遮住發嫂」、「證明幾乎全世界男友/老公視角都係咁，發哥都唔例外」、「笑死 可能真係要跪榴連」、「你7街瞓！」，甚至有網民溫馨提示：「發哥，Happy Wife, Happy Life呀」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
