歌手張敬軒愛貓Leslie今早（26日）火化，據知Leslie因癌症離世，因此今日其外形已變得面目全非，令軒仔更添傷感，「主僕」感情深厚令軒仔大感不捨，今凌晨兩、三點他頹爆開Live，吸引2、3千人「圍觀」。軒仔主動提到收工坐保母車時遇到飛蛾，直覺覺得是Leslie化身：「當汽車加速，飛蛾好用力咁黐住個窗，仲要係我座位嗰邊，覺得佢好唔捨得我咁！」事後他更將飛鵝截圖留言：「仔，係咪你呀？」
對於近日歌迷自發性地現身銅鑼灣及旺角鬧市為他拉票，軒仔坦言回顧2024年自己因家事，事業上未能達標：「應承咗大家要做嘅事做唔到，事業同屋企作出取捨，我選擇咗先處理屋企嘅問題先。身為公眾人物唔應該同外界講自己嘅難處，所有嘢都要從公眾層面出發，係我做得唔夠好，覺得自己唔夠硬淨。」他又答謝歌迷的辛苦說：「大家冒寒咁拉票，我有睇留言，知道你哋有時好似揸咗面懵膏咁，會面對一啲唔同嘅說話。」對於現在正值樂壇頒獎禮的投票日子，近日有網友就他未有做足去年其許下承諾的「政綱」，尤其捉實其未有出碟一點而對他發動攻擊，質疑他有走數之嫌。但其實軒仔今年已兌現近七成的「政綱」，惟因有兩項目因要先處理家事而未有找數，即被黑粉咬住唔放。他又直言如今自己「唔使再跑醫院照顧親人已經好好」，並答謝歌迷們一路同行，又指自己目前情況良好，叫大家不用擔心。
另外，身為戲劇導師的甄詠蓓於社交平台撰文，感激軒仔免費借出場地讓自己教授戲劇課，更為認為有潛質而無法負擔學費的新人「出錢」。她更爆出軒仔為一宗工業意外傷者每日送上專人制訂營養餐，愛心爆棚﹕「悲劇發生兩年多…當時間把事情淡化，他卻仍然掂掛被遺忘的人，他總是不需要別人道謝。」據知，今年軒仔本想成立演藝學校，但因要處理家事而要先擱置，但他堅定表示不會走數，一定會成立學校去提拔有才能之士加入娛樂圈。
軒仔之後再發文，並在社交網上載Leslie的告別式，他留言：「今日一切都好平安, 好順利, 各位不必掛心。多謝各位哥哥姐姐，各位嘅安排同照顧令到我哋每位屋企人都覺得好溫暖同得到深深嘅安慰。叻li今日好靚仔, 多謝各位師傅🙏🏻🙇🏻♂️叻li嘅一生遇上好多好愛錫佢嘅人, 係佢同我哋屋企人嘅福氣，多謝每一位，多謝！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
