劉德華昨日連同Dee哥、Locker、黃愷傑、許恩怡現身為《焚城》進行謝票。劉德華一現身，有唔少講國語嘅觀眾唔理司儀問咩都照舉手，亦有小朋友不停大叫「劉爸爸」，最後問答大會差啲變成示愛現場。
原來今日入場支持《焚城》嘅，仲有Sammi鄭秀文，劉德華接受訪問時表示：「我哋都有傾偈，佢都細味咗整部電影嘅細節。（有冇合作機會？）好想，如果啲新導演諗到我哋兩個可以仲拍啲咩，可以話聲我聽。」提到新戲票房過2千萬，劉德華認為大家應多留意戲中新演員，至於之後會唔會再謝票，劉德華表示暫時未知，但他預計快要為演唱會綵排及閉關，又即席邀請Dee、Locker等人到時入場，Dee又即場表示做dancers 都可以。
講到之前幾站演唱會都有些小意外，香港站會否更謹慎，劉德華表示每場都十分謹慎，但有時玩得太high難免會掉以輕心。問到有無加場空間，劉德華表示：「我真係無時間，除非唔休息或者開日場，但我不嬲習慣20場就係20場，好少加。」而對於在台灣站唱《中國人》引起嘅爭議，工作人員即提醒大家關注電影。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
