她接受《香港01》訪問時，坦言經歷了非常多辛苦日子才可以一步一步達成目標。她表示，自18歲起未入行就已經開始創業，為了創業，期間做過十分多兼職，例如有大學part-time翻譯，私人補習，賣眼鏡，瑜伽中心職員，活動公關，NGO策劃，禮儀小姐等等。儲到錢後，她又將資金投資及增值自己。她說：「畢業之後出嚟做過診所經理，後來進修就讀中大醫學院碩士，主修公共衛生。讀完就同朋友同學一齊開咗間身體檢查中心，做到而家就開咗兩間診所，一間中醫一間西醫。」
看似順風順水，但她直言過程相當辛苦。她說：「唔好成日話呢行慘，因為最緊要追尋夢想之外，要留條後路畀自己。」她分享到，入行前是一個相當節儉的人，不會買名牌手袋，與家人同住，甚至有一段長時間，兼顧修身而每日只食一餐自己煮的雞胸肉。儲了一筆錢後，才去進修自己。她說：「我嘅學士學位讀咗4年，碩士本身part-time讀兩年，但係我迫埋喺一年完成晒。日日zoom，一邊拍劇一邊做功課溫書。」
回想起那段半攻讀的時光，她坦言：「嗰時我知自己有抑鬱，讀書壓力真係好大，日日都想死。拍《破毒強人》嗰時，每日返TVB都俾人話我肥，幕前幕後都有人咁講。我知大家都想我好，但係嗰時我讀書又拍劇仲有兼職，拍劇等埋位就做功課溫書開Zoom上堂，等於一個人做幾個人嘅嘢。我講出嚟唔係想話畀人知我有幾叻，而且係講我都係把握機會。因為入呢行真係機會走咗就冇。」
她透露，完成學業與幾位同學朋友夾錢開了一間身體檢查中心，其後又再分別開了兩間中醫診所（諾華醫療服務中心）。她說：「投資咗六位數，未到七位。檢查中心開咗兩年之後就開診所，而家計劃緊將拓展中醫診所。不過未咁快，都係要守咗先。」問到生意的收入，她坦言並不算很多，她笑言：「唔食唔住儲10年，個收入都買到個一房單位嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
