藝人樂基兒、雲浩影、衛詩及陳穎欣等日前出席護膚品牌的聖誕活動。久未在港露面的樂基兒透露自己配合囝囝的假期，返港渡假與家人歡度聖誕：「囝囝嘅禮物已經準備好，因為佢有佢嘅wish list，我就最想平安、健康，呢個係最好嘅聖誕禮物。」而早前有報導指與「肌肉男」同行，直指她有「新歡」，樂基兒解釋：「佢係我經理人，因為太耐冇喺香港工作，大家唔記得我身邊同事啲樣。（想有另一半？）依家小朋友仲細，同埋做嘢都好忙，焦點未到呢個階段。」
雲浩影則指現階段自己專注工作，無時間拍拖：「今年聖誕冇約，最多都係同啲同事開派對，其實最想係同工作約會。」陳穎欣則透露早前與家人去澳洲旅行﹕「喺嗰度見動物多過見人，返嚟出席活動有啲緊張。今次旅行食多咗，所以肥咗啲，但一返香港就『腸胃炎』病足幾日，即時瘦翻晒！」 衛詩則於活動上獻唱聖誕歌曲，她表示現自組公司發展，或與胞姐衛蘭再合作：「同佢都有傾過，依家物色緊工作人員，好快會再有新歌。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
