邵氏製片人黃家禧在在圈中地位崇高，人緣亦非常好。今日他在尖沙咀鐘樓舉行新書發報會，獲多位老友撐場，當中包括李修賢、姜大偉、曹衆、錢小豪、契女呂慧儀，場面熱鬧。
現年55歲嘅曹衆自07年離開TVB後，出任浙江省政協委員及浙江省旅遊形象大使，並參與投資飲食行業，曾擔任兩家上市公司的品牌總監及集團副總裁。曹衆接受訪問時透露自己其實仍在圈中人，因為她目前在電影公司工作。「我做藝員之前我做電影文學，電影係我生活好重要一部分，因為電影當時係我最好朋友，解決生活中所有問題，當你睇唔到更遠嘅方向時，佢可以照亮你。」身為電影公司一份子，問到會否睇到好劇本時會否心郁郁，曹衆即謂：「有人搵我的話一定無問題。（點會冇？）希望通過呢個訪問，大家記得搵我。（唔抗拒做返幕前？）唔抗拒。」
曹衆今日亦有帶埋女兒陳瑛華出席活動，她透露一家三口最大娛樂係睇戲，囡囡甚至會介紹好戲畀自己，問到女兒有無諗住入行，曹衆指女兒比較熱衷籃球，但年輕尚輕（14歲），作為媽媽認為最緊要開心就好。「佢如果拍拖我都應該好好開心，我驚佢唔拍拖咋。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
