日本名導是枝裕和最近飛到內地出席活動，一直都係亞洲藝人渴望合作嘅導演，接受導演陳可辛對談訪話時，就罕有表達對多位中國演員嘅喜愛，佢指自己特別喜歡梁朝偉、章子怡、周冬雨呢三位藝人，更自爆已經同梁朝偉討論過合作嘅話，大概會拍咩內容，但就仲未傾到細節，所以都冇辦法同大家講太多，即引發網友好奇心。
陳可辛就正好同呢三位演員都合作過，佢就大方分享合作感受。佢話自己同梁朝偉喺20幾、30歲嘅時候就認識，嗰時梁朝偉同依家都好唔同。章子怡就一直話想同佢合作，但直到去年先真正合作到，亦係一個好好嘅時機。周冬雨則令佢眼前一亮，因為佢成日唔照常理出牌，每一場戲佢嘅表演都會同劇本想像嘅唔一樣，非常有驚喜。網友即大讚3人實力超群，無論係咩國家嘅導演都會想同佢哋合作，今次能夠獲日本名導是枝裕和讚，果然係華人之光。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
