林迅景 攝
洪永城也笑說：「佢一叫我，我就推晒4部電影，5部劇先嚟到。」梁諾妍也表示，在老公準備稿詞的時候，她已經睇中一些珠寶，洪永城也說：「你咁樣問，我都需要負少少責任㗎啦，係咪？」有沒有睇價錢？梁諾妍就表示沒有，但有記者就笑言「唔使錢」，洪永城笑說：「哦？原來今日係任攞活動？」梁諾妍補充說：「我諗住我提出要求，隔鵻籬嗰個就幫我埋單。」洪永城：「盡量控制喺5位數啦，6位數比較大負擔。」
談到黃翠如懷孕的消息，洪永城表示自己只比大家早一些得悉消息，也為他們感到開心。他更表示，蕭正楠可以隨時找他交流湊小朋友心得，說：「最多唔收佢顧問費，冇問題嘅。」梁諾妍：「我知道消息之後真係開心到喊！」洪永城：「佢都經歷咗唔少先可以有呢個小朋友，所以佢哋非常之開心，我哋作為朋友嘅，兄弟一定會全力支持佢所有嘢。」更表示蕭正楠可以向他請教照顧小朋友的技巧：「換片，餵奶手勢呢啲我會拍片畀佢睇。」開玩笑的說，蕭正楠可以去他家「實戰」一下。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
