Twins成員鍾欣潼（阿嬌）日前喺倫敦站演唱會時，被網友發現身形再度暴脹，並瞬間掀起熱議，相中所見身穿藍色露肩長裙嘅佢，身形及面部都相當浮重，驚現包包面嘅同時，身形更係暴脹幾個碼，引嚟網友留言：「係咪浸咗喺海幾日？」而不時透過社交網分享生活點嘅阿嬌，日前就繼續晒靚相，並分享道：「和大家分享一些世巡的美好瞬間～～一路所見所聞都很治愈，去了很多地方看了很多神奇的大自然，多了很多人生體驗。」只見相中身穿紅色冷襯嘅阿嬌，鵝蛋臉得嚟皮膚更係白滑緊緻，整體望落猶如初出道時一樣Fit到漏！
而近日聖誕節，阿嬌亦喺社交網晒出喺家中布置嘅聖誕裝飾，佢喺北京豪宅擺放咗一個巨型白色聖誕樹，上面掛滿閃亮亮嘅吊飾機迷你手袋，相當精緻。阿嬌仲準備咗唔少紅酒同美食招呼朋友，其中好友周揚青喺社交網晒出嘅聖誕派對就同阿嬌家中布置一模一樣，相信兩人係一齊歡度聖誕，周揚青仲大讚阿嬌好有儀式感，笑指對方嘅白色聖誕樹為佢帶嚟唔少靈感。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
