無綫《萬千星輝頒獎典禮2024》「最佳男主角」由同樣曾奪得三屆「視帝」的羅嘉良與黎耀祥負責頒獎，嘉良對祥仔笑說：「你唔應該喺台下面咩？」祥仔笑：「搵得我頒獎，應該都凍過水。」兩人點評一輪候選視帝後宣布賽果，結果由張振朗憑《反黑英雄》奪得「最佳男主角」獎項，加上奪得「馬來西亞最喜愛TVB男主角」成為今屆雙料「視帝」。
入行14年、現年37歲的張振朗獲悉得獎後爆喊，他先與好兄弟朱敏瀚抱抱，隨後上台由羅嘉良與黎耀祥手上接過獎項，振朗在台上說：「同自己講過咩都唔好喊，但真係忍唔住，好多謝珍姐，樂小姐，好開心喺祥哥、嘉良哥手上接過獎項。頭先睇已故前輩片段，自己喺度諗仲有幾耐時間留喺呢個圈度，其實冇人知，好難去估計，只能夠盡量去享受每個時刻，享受演戲每個開心時候，今日個獎好重分量由兩位視帝頒畀我，我一定會繼續努力，我想講嘅係演戲係我嘅生命。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
