《東張西望》女神李妟芳今日（7/1）現身荃灣出席《慈善星輝仁濟夜》記者會。提到今年在《萬千星輝頒獎典禮2024》成功入圍《飛躍進步女演員》十強，李旻芳 ...
《東張西望》女神李妟芳今日（7/1）現身荃灣出席《慈善星輝仁濟夜》記者會。提到今年在《萬千星輝頒獎典禮2024》成功入圍《飛躍進步女演員》十強，李旻芳接受《香港01》訪問時表示：「其實好驚喜，竟然入到最後十強，因為往年我係未入過十強。（有冇信心可以攞到？）講真我又冇乜信心嘅，不過我又唔介意陪跑㗎，始終由咁多人之中篩選咗出嚟，有得入到十強我已經好開心。（老公黃耀英有冇俾信心你？）佢好好，佢話如果我出席澳門嘅頒獎禮，佢會陪我去，但佢就對我攞獎就冇乜信心，佢作為伴侶，佢做佢應做嘅嘢，就係陪我出席頒獎禮。（今年冇入圍「最佳女主持」會否感到失望？）係有啲失望，但不過咁，我就覺得公平嘅，就好似《飛躍》咁，我係有進步嘅空間嘅。」
