司棋表示：「其實如果有粉絲過嚟話要同我合照，我係好樂意，因為代表佢哋係好錫你，我食呢行飯都食咗一世，咁我點解要憎佢哋。（如果你嘅保鑣動粗會點？）咁就要一早講明不能夠粗暴，不能夠郁手郁腳。除非嗰個人飛撲埋嚟，手中又揸住杯飲品，有可能潑埋嚟，咁就冇說話好講。但如果唔係，就不能夠咁樣。」
問到如自己保鑣有此粗暴行為，事後會否將他解僱？李司棋︰「真係唔敢再用佢，因為可能佢控制唔到自己，有啲人入面有團火會發作，你叫佢唔好，佢下次又會嚟。但個保鑣竟然咁做，我都真係估計唔到，點解佢要咁做，我係想像唔到。（可能好似你咁講，有啲人係咁。）真係有啲人係咁，因為有啲人活得唔開心，成日就係想鬧人，想搵人發洩，佢覺得認為係咁咪去做囉。」
陳敏之接著說：「其實呢啲事真係好少會發生，老闆請保鑣都係要小心啲，不過我哋唔使擔心，因為通常都係大會請去保護我哋。但都明白個保鏢都係善意想保護趙雅芝，但佢又係太過激動嘅。如果我會叫佢唔好咁。」
李司棋認為趙雅芝保鑣動粗粉絲行為過火。（吳子生攝）
李司棋和陳敏之現身觀塘出席連鎖快餐店宣傳活動。（吳子生攝）
本文作轉載及備份之用 來源 source: http://www.hk01.com
|
鍾意就快D Share啦！
|
|
|
