藝人郭羨妮近年忙於相夫教女，似乎已減少在幕前亮相，不過依然被騙徒睇中，於網上以其名義開設假帳號，並成功邀得郭羨妮的朋友加入，騙徒甚至明目張膽與對方聊天。當得悉事件後，郭羨妮隨即透過經理人發出聲明以正視聽，以免被人渾水摸魚。
郭羨妮事後透過經理人回覆表示：「據我所知，暫時應該未有人被騙嘅。因為我有一位朋友加咗呢個帳戶，對方立即同佢私聊，但我朋友知道我係唔會喺社交平台閒聊嘅，就知道呢個係假帳戶，所以即刻通知我。咁我平日喺網上都唔算好活動，即使有乜工作安排，都會交畀經理人接洽及處理，大家唔好輕易相信不明來歷嘅社交帳戶呀。」她又指知道電話詐騙目前非常嚴重，故提醒大家要謹慎，切勿將個人資料隨便公開。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
