劉青雲於2015年再憑《竊聽風雲3》成為金像影帝時，在台上以「太空船論」感謝太太郭藹明，當時劉青雲的一番話感動不少人：「當我揸住隻太空船飛去宇宙唔知邊度時，你總有方法令我好安全返嚟地球」。相隔多年，青雲在節目中重提這番宣言，搞笑澄清郭藹明從來沒有在太空總署工作過，而這番話只是當時上到台的感受。
Do姐問到劉青雲與郭藹明的相戀經過時，青雲透露有次收工經過看到郭藹明為節目排練：「同鄭丹端喺台上跳舞，見到個咁靚嘅女仔喺台上，梗係有些少鍾意佢，跟住我哋一齊拍《大時代》，不過拍嗰陣係喜歡佢，但係大家都好專注去做戲，係好後期先一齊。」提到追求郭藹明的經過，劉青雲笑言一次膽大妄為約了郭藹明出來飲杯嘢傾偈：「佢真係問我搵佢做乜，以為係想同佢借錢，我就話好想見到佢，跟住我哋就拍拖，冇耐就結婚。」
講到求婚方式，青雲直言求婚過程並不特別，不似電視劇般單膝跪地，只是簡單說了一句「我哋不如結婚」。 青雲坦言郭藹明令其脾性轉變，並指兩個人一起需要互相溝通和理解，更讚太太個性隨和，是一個值得信任的人，「佢絕對唔會『跣』我，完全係大家可以接受嘅一個人。」
青雲直言最欣賞太太夠獨立：「我哋嘅思維範疇唔一樣，佢好細個喺外國念書，所學習嘅嘢同成長地方唔好，佢靠自己努力攞獎學金，凡事靠自己，係很獨立嘅女性，我係好欣賞佢。最後問到太太會否復出拍戲，劉青雲說：「好多人以為我唔畀太太出嚟拍戲，我點會唔畀？呢個純粹係佢自己決定，不過機會應該唔大。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
