無綫新咪神鄧凱文（Eris）身材出眾，愛打扮的她，連平日落街放狗都悉心打扮一番，她昨日（4日）在社交平台Po出放狗相，黑白短裙配搭黑絲，盡騷性感長腿，原來她一身打扮，靈感來自毛公仔：「我好鍾意呢隻公仔呀！因為佢嘅性格同埋個樣好得意，屋企收藏有好多不同款，所以可能不知不覺中就着到好似佢咁。 」又指公仔性格自然唔做作，對朋友好有義氣，又有少女心 。
問男仔買公仔便可以氹她開心？Eris表示有個男士就好識氹她，這個人就是她爸爸：「爹哋知我鍾意呢隻公仔，見便利店有活動送公仔，佢會專登走去換咗畀我，勁開心！」擇偶條件最緊要待她好，有上進心和責任心。工作方面，直言希望有機會拍劇，希望多接觸不同層面。自己會捉緊每個機會，最近一直有上語言治療師課堂，重新練習講說話：「希望到機會來時，可以真係做好佢，唔好令支持我或者畀機會我嘅人失望。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
