藝人衛詩雅（Michelle）與醫美醫生老公周祉安晚上於金鐘一間五星級酒店舉行婚宴，場面星光熠熠。一對新人開席前步出禮堂接受傳媒訪問及祝福，當司儀起哄叫兩人深情對望，兩人顯得有點害羞，Michelle更靦覥大笑及輕拍丈夫，及後二人當眾連咀3、4次放閃，全場起哄。
Michelle透露今晚筵開24席：「都係招呼我圈中戰友及同事們，周醫生啲同事及醫生朋友咁。（3月再擺中式婚宴？）係呀，依家好攰同冇晒力，所以要回一回氣先。」她又指由於老公未做過訪問，故自己都有點緊張，期間她依然未習慣改口叫老公，且自爆：「頭先想叫奶奶講吓嘢，點知叫咗auntie呀。」周祉安則公開感謝太太說：「感謝佢咁愛佢，佢係位好善良嘅人，教曉我乜事都用大愛去包容，咁我哋又有共同嘅價值觀，所以一齊行落去﹗」他又指於教堂行禮時對着神父等讀誓詞很緊張：「讀到眼濕濕，因為係件好嚴肅嘅事，日後我要負起責任嘛。」
Michelle則自爆原本想婚禮前相約父母食飯聊天，可惜因時間匆忙關係，未有做到，不過昨晚有傳短訊給他們感謝養育之恩，又計劃稍後與他們去旅行補數：「俾自己嘅文字感動到喊，又諗番做女嘅時候嘛。（幾時去度蜜月？）起碼完咗金像獎先。（雙方家長有冇催你哋快啲生B？）冇，佢哋好開通，我哋亦冇諗法住。」周祉安被問到會否陪太太出席金像獎即謂：「睇佢安排啦，佢叫就出席，我有幻想過佢得獎嘅場面。」而Michelle手上分別戴上求婚及結婚戒指：「求婚戒指3卡，我話唔需要太大隻，我份人好大頭蝦，易唔見呀。我諗住陣間叫周家怡頂酒，然後我介紹番伴郎團一個靚仔佢識囉。」
本報近日獨家爆蔡卓妍（阿Sa）與前年分手的富三代舊愛石恆聰去年已經復合，今晚（16日）阿Sa孖住容祖兒出席婚宴，阿Sa事前已透過公關表示不接受訪問，不過，記者趁兩人合照期間，問阿Sa是否復合？她一臉甜笑回應：「今日唔做訪問。」隨即急步前往宴會廳，留下祖兒影單人照，祖兒勁有義氣謂：「等我頂。」不過影完相，她就同樣急急閃人。
除了兩人以外，現場賓客星光熠熠，包括電影《破．地獄》的導演陳茂賢、朱栢康、韋羅莎、梁雍婷，另有古巨基、談善言、連詩雅、何佩瑜、VIVA、方中信等，場面熱鬧。連詩雅受訪時透露見證兩人拍拖，現時參加他們婚禮好開心，觀禮時更忍不住落淚：「我冇生B秘笈可以傳授畀Michelle（衛詩雅），我有不停叫佢哋快啲生，我生完BB，佢哋嚟探我，佢哋見到BB好興奮，覺得佢哋有生仔衝動，Michelle係BB契媽，抱BB好熟手。」她指因現場人多，又擔心女兒會喊失禮人，故未有帶她出席，問到會否再追第二胎？她坦言會出歌及拍劇，先工作一段時間再考慮。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
