舞台劇《螳螂捕蟬》屬香港編劇大師潘惠森作品，以港式語言節奏描寫最地道的香港小人物，而劇中就有兩位來自不同文化背景的殺手，一個中英夾雜滿有學術氣質，一個腳踢涼鞋從鄉下落嚟接任務，二人被安排獨處在一室等候。該劇在2000年首演，當時由黃秋生和謝君豪兩位演技派巨星擔綱主演，票房秒爆之餘，秋生更憑藉鄉下佬角色「北越」，贏得第十屆香港舞台獎最佳男主角，登上劇帝寶座。
事隔25年，《螳螂捕蟬》重演，殺手再度歸來，秋生一個轉身，改為飾演流利中英夾雜的知識份子殺手，而鄉下佬角色就由戲劇大師陳淑儀演出。問到秋生是否對該劇念念不忘才選擇重演，答案竟來個反高潮。黃秋生︰「揀劇本揀嚟揀去都不太合適，要投資大嘅又唔太適合現時市道，所以就諗起呢套劇，平平地做。」
25年前演繹時的感覺，暢快淋漓，印象中幾好幾簡單，但25年後再睇劇本，才發現很吃力。黃秋生︰「我發現原來體力同記憶力都應付唔嚟，但都訂晒場賣緊飛上咗船，準備猝死舞台，睇下邊個死先我查過喇，世界上真係有十幾個演員在演出時死在台上，當時身邊演員都未知，仲繼續演落去。」
陳淑儀聽到這個訊息，竟鼓勵秋生︰「本地好似未有，你做第一個」看來陳淑儀對該劇信心十足︰「呢套劇我完全係當阿爾柏仙奴同羅拔迪尼路對戲，不過係喜劇版。」吃了一棍的秋生，此刻出手反擊︰「人無恥便無敵，到而家都未記個劇本，到時都唔知點算。」單單影海報已經火花十足，期待公映時可大放煙火。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
