之後金凱全程面帶笑容、輕快自如地唱出本輪參賽歌曲，唱畢不但令「喊包」婉婉及肥媽瘋狂掉淚，就連黃凱芹（Chris）亦感動得紅了雙眼；面對主持及評審被感動得變成多愁善感，金凱不但沒有被影響，還反過來講笑話大搞氣氛，令婉婉亦不禁大為讚嘆：「所以我成日都話佢啲attitude，真係（正面到）頂唔順。」對於金凱的演出，Chris給出20分滿分：「你成張嘅歌詞我係冇打過一個叉，再加上你情感嘅表達、你嘅節奏、律動感，同埋你自己嘅聲底同音色，我只能夠加分、唔能夠減分，所以20分我已經畀少咗你。你搞到我喊，係咪要扣你分呀？」張佳添則一針見血點出金凱值得令人敬佩的地方：「你係其中一個我最欣賞嘅參賽者，唔單止因為你唱，係你成個人嘅態度、能量，好似你想整實啲個ear mon，你唔會叫人幫手，你會自己整。我自己都試過，但我個膊頭係冇可能掂到耳仔，呢個attitude真係非常之好。」
親為表演編排舞蹈 肥媽激讚阮慧珊：我戥你老公擔心
與李金凱同樣以積極態度面對人生不同挑戰及難關的，還有與他同組、患了第一型糖尿病的阮慧珊，選唱《神奇女俠》的慧珊，認為人生像是一場遊戲，每個玩家都有自己的武器和限制，但即使面對任何設定，只要盡力，也可以贏到最後，慧珊說：「我嘅限制係我每日都要打針去延續我呢場遊戲，但換個角度睇，其實呢個所謂限制都係遊戲設定啫，人生好多時都有好多難關，同打機一樣，你要挑戰咗難關你就可以賺到一啲技能。」為了令表演更具新鮮感，兩年前開始學跳舞的慧珊，更親力親為幫自己排舞，並在歌曲中段加插了一段機械舞，勇於挑戰自己的態度令人為之折服，就連要求出名高的周國豐也予以鼓勵：「你今日可以拋開平時嘅comfort zone，去呈現另一種慧珊感覺，我覺得係值得鼓勵。」肥媽更搞笑謂：「冇諗過家庭主婦可以突然咁變，我戥你老公擔心。」張佳添亦附和謂：「你幾有台型。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
