古天樂為《臨時決鬥》謝票期間，被問到《尋秦記》的上映期限時，表示自己知道外界一直期待，亦留意到觀眾對題材或在個別市場上映有難度的情況，古天樂直言映期有一項關鍵因素需要考慮：「未知！唔知！我解釋個原因先，排一部戲上映除咗要睇香港市場，仲要睇國內市場。國內市場就要睇同期嘅對手係咩，你知而家癲到一個禮拜五十幾億都有要檔期同時間配合，我哋先可以排到。」
古天樂雖然未有就《尋秦記》上映日期作正面回應，然而態度亦顯然樂觀，為一直期盼電影面世的觀眾打一枝強心針，目前僅差合適的檔期時間，便能夠由發行商安排上映。古天樂亦提到曾於2022年3月舉行的香港國際影視展（FILMART）上，當場得悉《明日戰記》能夠於5月上映，表示自己當場因為僅餘一個多月作宣傳而嚇一跳，但最後票房成績亦非常亮麗。或許《尋秦記》亦會如《明日戰記》一樣閃電安排檔期宣布上映，觀眾務必密切期待！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
