無綫大批藝人今晚現身尖沙咀出席春茗慶功宴，其中陳山聰爆當年曾被林保怡揼劇本，保怡即笑言不止山聰，就連陳自瑤、傅嘉莉、李珊珊都試過被他揼劇本，原因是不希望他們死記劇本去做戲，當然提前是因為大家私下好熟先會咁做，仲笑指陳自瑤會趁佢唔覺意自己偷偷撿回劇本看，不過又指現在大家都有進步，不再死記爛背，保怡又笑言自己平日都經常用「萬歲」請食飯同大家打好關係，然後再揼劇本。提到李珊珊，林保怡表示有留意對方要復出，亦有暗地支持對方，打算她開直播時會過去畀驚喜。
而陳山聰重提到當年被林保怡揼劇本，他表示其實要多謝保怡：「因為當時拍劇經驗好淺，成日要演紀律部隊，對白有好多英文字要記，再加上對住保怡會更加緊張，所以要做足功課背劇本，但會被保怡拎走劇本，叫自己唔使背，記住點運用對白就得，但當時自己其實唔明白，不過經過多年磨練，都終於明白。」又稱現在拍劇好少再拎起劇本死背，事前會做足功課，感謝一班前輩教導。
另外，陳展鵬和鍾鎮濤合作拍《巨塔之后》，但2人戲中完全沒有交流，大嘆可惜，不過鍾鎮濤叫展鵬不要太快退休，相信之後會再有合作機會，又指他們因拍劇到訪布拉格，鍾鎮濤更順便去探外國讀書的囡囡。而陳展鵬透露在戲中飾演銀行家，不過現實中自己數學差，所以財政交由太太單文柔管理。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
