張天賦MC上月五號身體抱恙，被逼取消原訂《This is MC 2 LIVE IN MACAU》尾場演唱會並延至昨晚（1/2）舉行。 MC出場後與6000位觀眾打招呼，說：「大家好！歡迎大家嚟到《This is MC 2》嘅澳門站，今日係遲咗嘅第五場，必須要同原本預咗1月5號嚟睇嘅朋友講聲抱歉！我自己管理不善，冇盡好一個歌手嘅責任，冇好好照顧自己嘅身體，所以搞到要延期，造成咗好多嘅不便，所以喺度同我嘅fans們、賦二代們同埋主辦棋人都講聲唔好意思，亦都喺呢度祝大家新年快樂、身體健康、身體健康、身體健康！」
昔日busking畫面歷歷在目，昨晚又正值農曆新年補場，MC再分享了那些年新年busking的畫面，說：「新年我哋應該會係旺角，人流多嘅地方逗利是，我哋好勤力，一瞓醒可能九點十點我哋就已經開始預備緊，今年唔同啦，我發現我好喜歡喺節日舉辦演唱會，所以好開心今日可以同大家過新年，多謝每一位入場支持嘅觀眾，再一次祝你哋新年快樂。」
緊隨其後的自然少不了MC上月推出的新歌《說謊者》，及耳熟能詳的作品《七點半後的陽光》、《乖乖報到》等，少不免也有挑戰唱功歌曲，好像《救命稻草》、《第二人格》和《小心地滑》等，而最令賦二代驚喜部分，是MC自製與歌迷「同框」環節，在演唱《反對無效》完結時，螢幕上呈現一個愛心形狀，一邊為MC，另一邊隨機挑選現場歌迷，齊齊打卡，冧爆賦二代。
接近演唱會尾聲時，MC 邊唱《時候不早》邊走到台下觀眾席與粉絲零距離接觸，邊唱邊派心、握手、自拍及擊掌互動，粉絲們興奮尖叫，而不少賦二代紛紛塞利是、送公仔，令MC忍不住要求導演下次要加長這個互動環節，最後MC以《世一》為演唱會正式完美結束。另外賦二代在演唱會場地大派新年應援，除了有「賦」揮春外，賦二代又費盡心思，將MC完美修圖成為財神閃卡，祝願大家早日退休，相當搞笑。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
