有「40億千金」之稱的藝人蔡頌思昨日（29日）舉行婚禮，下嫁日籍金融才俊老公，上午先進行接新娘及註冊儀式，晚上在五星級酒店筳開廿多圍。
Jocelyn接受東網訪問時表示當日開心又感動：「斟茶嘅時候有喊，好少會同父母有呢啲咁深情嘅對話，今次將自己心底說話講出嚟，所以好感觸。老公講愛的宣言都好感動，佢好努力練習用廣東話去講，不過我成段都聽唔明，只係聽到『洗衫煮飯拖地樣樣得』。」
談到玩新郎環節中，她透露老公及兄弟團要穿上美少女戰士服裝跳 K-Pop，Jocelyn自言：「本來以為佢哋好唔情願，點知佢哋好享受，比我哋想像中玩得，氣氛好好，仲有冰桶夾麻雀，新郎矇眼幫其他兄弟搽唇膏。」她指新郎過五關斬六將後獲得鎖匙打開鞋盒，自己像灰姑娘一樣由新郎幫她穿上婚鞋。相中見Jocelyn既有中式裙褂及西式婚紗，還換了多套晚裝，她笑言：「酒店話我打破咗酒店紀錄，我係換得最多衫嘅新娘，換咗7條裙。」其中她穿中式裙褂時，戴上全身金器，龍鳳鈪多到掛上頸，認真行頭十足！
本文作轉載及備份之用 來源 source: http://hk.on.cc
|
鍾意就快D Share啦！
|
