陶喆完成兩場《陶喆SOUL POWER II 世界巡迴演唱會》，相隔22年再踏紅館，完騷後他接受訪問時表示十分感動，自己亦都估不到有此機會，因為演唱會沒有太多花巧東西、亦沒有舞者，曾經擔心大家會否受落。提到首場停電20多分鐘，陶喆直言感覺停了1個多小時：「好緊張，紅館下次唔好咁啦，我哋畀多啲錢啦。當時無電，我唔知要講啲咩，呢個真係一個好特別嘅經驗，會永遠都記得。」陶喆在台上提到不少人叫他老公，問到巡唱後會否搶心收獲一堆老婆，他說：「叫得老公嗰啲都係男人嚟。」
提到首場他臨時改唱《愛愛愛》悼念方大同，陶喆坦言十分遺憾：「他才41歲，很可惜我同佢唔太熟，其實我音樂總監、結他手同佢好熟，聽到消息後喊到眼腫了。我問佢哋介唔介意改歌單，向方大同致敬，真係好臨時，我無太多時間練歌，但唱得好唔好都係對佢一個致敬。」陶喆去年曾考慮邀請方大同任自己巡唱嘉賓，甚至有機會的話，自己亦可做對方嘉賓，但遺憾最終沒有成事，問到是否知曉方大同生病，陶喆搖頭表示：「我都係睇微博先知道，所以係⋯⋯無辦法相信。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
