苗僑偉（三哥）接受《香港01》訪問時表示，當日比賽為三個業餘球手加上一位職業球手分組作賽：「純粹係同啲職業選手學吓嘢，見識吓。（咁謙虛？）人哋種波同我哋，把聲都唔同㗎，爭好遠。（偷師？）偷唔到㗎，係欣賞！因為今日同我一齊打嘅，係舊年呢個比賽嘅冠軍，真係欣賞。現場感受佢個力度，啲聲都係唔同。」三哥坦言，他已有一定打高爾夫球的年資，但最近幾年因為忙於拍劇、工作而生疏了不少：「我習慣一開工就唔打波，唔會揸住支棍。（生疏少少啫）生疏咗好多，以前係棍不離手，高爾夫球好衰㗎。因為我哋唔係細，冇練一排就冇個肌肉記憶。」
談到工作，三哥透露下月就會前往內地拍攝一套由優酷出品、關於查案的電影。最近三哥的女兒苗彤的性感衣着成為熱話，問到會否介意女兒衣着性感時，他直言：「冇得我鍾唔鍾意，最緊要佢鍾意。呢個係佢選擇，亦都係佢自由，咁佢係後生女，着得性感（係正常），唔通等60歲先着咩，冇所謂！首先我話畀佢聽，要着得靚先啦，唔好失禮人。」
三哥表示，女兒苗彤在加拿大發展得很順利，只是沒有在香港發展而已：「佢冇喺香港發展咁解，呢度競爭大呀嘛，加拿大競爭大就同外國人競爭啫。因為佢中文唔好，所以避得就避啦。」三哥又表示，到加拿大大多只是探望女兒。
「70歲影帝」打高爾夫球型到裂 打波似人生：每一棍都掌握喺你手
點解王曼喜王麗嘉收起性感？ 爸爸王敏德爆可能係呢個理由
本文作轉載及備份之用 來源 source: http://www.hk01.com
|
鍾意就快D Share啦！
|
