陳定幫感謝林盛斌牽紅線尋覓真愛
陳定幫另揭「如果想遇到桃花運搵好男人」教學，他說：「除咗擺九紫位，出多啲街，因為要增加機會率，同埋可以講吓俾人聽，直程就話我想拍拖，因為有陣時唔知道邊個係中間人或者朋友同埋貴人，之後聽完真係記得，例如就好似嗰個肥仔，有戴眼鏡嘅肥佬，聽完佢真係會介紹人俾你。」娟姐隨即插話：「我知係邊個，就係林盛斌，佢最興就係牽紅線。」陳定幫則笑言：「我老婆都係佢介紹，因為有結婚生咗又兩個女，現在都一齊咗13年，應該係佢其中一個介紹好成功嘅一對。」
陳定幫為湯洛雯催桃花中馬國明
陳定幫分享曾為圈中藝人看風水：「我試過有個客都幾熟嘅，好似姊妹咁，咁我成日都好追住佢嘅進度，佢好似幾年都冇拍拖，我就問佢點啊！佢就成日都話好攰，又話要返屋企，咁佢做嗰一行都比較多OT，跟住又要陪屋企，因為佢少少都係單親家庭都要照顧媽媽，搞到冇時間出去，我話擺咗個桃花陣都話要行動先會有結果。」陳定幫向唐詩詠提問：「你個好朋友即係姓馬嗰個，我本身係幫個女方去算嘅，嗰個真係話到特徵同埋個時間係有，但有陣時係早少少未必完全準，有陣時係有緣份，原來已經認識嗰個人，或者慢慢傾吓時機先開始有進展。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
